lambs rock, coonoor, Nilgiri, Tamilnadu, India.

லேம்ப்ஸ் ராக்(Lamb's Rock) எனும் இந்த சுற்றுலாதலம் நீலகிரி மாவட்டம் குன்னூரில் இருந்து சுமார் 6 km தொலைவில் உள்ளது. சுற்றுலாப்பயணிகள் பார்க்க வேண்டிய பகுதி இது. கேப்டன் லேம்ப்ஸ் என்பவர் இந்த மலைச்சரிவினை காண பாதை ஏற்படுத்தியதால் அவருடைய பெயரிலேயே இந்த மலைப்பகுதி அழைக்கப்படுகிறது. சுற்றுலாப்பயணிகள் வாகனங்களை விட்டு இறங்கியதும் வனப்பகுதியில் சிறிய நடைபயணத்திற்கு பிறகு அங்கு அமைக்கப்பட்டுள்ள பார்வை தளத்தை (view point) அடையலாம். வனப்பகுதியில் நடப்பதற்கு கற்களால் படிகட்டுகள் போன்ற பாதை உள்ளது. சுற்றுலா பயணிகள் பாறை முனைப்பகுதியில் புகைப்படம் எடுத்துகொள்ளும் ஆர்வத்தில் ஆபத்தான முயற்சிகள் செய்யாமல் இருப்பது நல்லது.

mist in coonoor tea estate,coonoor, Nilgiri.

நீலகிரி மாவட்டம் குன்னூரில் உள்ள தேயிலை தோட்டத்தினை பகல் 1.00 மணியளவில் பனி சூழ்ந்த போது எடுக்கப்பட்ட வீடியோ பதிவு.

papanasam karayar dam boating, banatheertham falls (full lenth video), t...

பாபநாசம் காரையார் அணை, திருநெல்வேலியிலிருந்து சுமார் 50 கிமீ தொலைவில் உள்ளது. இந்த அணைக்கு சுற்றுலா செல்லும் பயணிகளின் வாகனங்கள், அணைக்கு சிறிது முன்னதாக வனத்துறையால் தடுக்கப்படுகிறது. அதன் பிறகு அணையை சென்றடைய வனத்துறையின் வாகனத்தை பயன்படுத்திகொள்ளலாம் அதற்கு சிறிய கட்டணம் வசூலிக்கப்படுகிறது. சிறிய தொலைவே என்பதால் அணைக்கு நடந்தே செல்லலாம், அதுவே இனிமையான அனுபவத்தை தரும். அணையில் பெரும்பான்மையாக நீர் நிரம்பி இருக்கும்போது அணை காண்பதற்கு கண்கொள்ளா காட்சியாக இருக்கும்.

அணையை ரசித்த பிறகு பாணதீர்த்த அருவிக்கு செல்ல அணையினுள் படகில் 15 நிமிடம் பயணிக்க வேண்டியுள்ளது. படகினை தனியாகவும் வாடகைக்கு எடுத்து கொள்ளலாம்.143 அடி உயரமுள்ள அணை  முழுமையாக நிரம்பியிருக்கும் போது அதில் படகில் பயணிப்பது த்ரில்லான அனுபவம். படகு ஓட்டுனர் மறுகரையில் அருவிக்கு அருகே பயணிகளை இறக்கிவிடுகிறார். இந்த அருவி களக்காடு முண்டந்துறை புலிகள் சரணாலயத்திற்கு உட்பட்ட பகுதியில் அமைந்துள்ளது. அருவி பகுதியில் இருப்பதற்கு பயணிகளுக்கு அனுமதிக்கப்பட்ட கால அளவு 1மணி நேரம் அதற்குள் பயணிகள் படகிற்கு திரும்பிவிட வேண்டும்.

அணையின் மறுகரையை நெருங்கும்போதே ஆர்பரித்து கொட்டும் அருவியை காண முடிகிறது. அது ஒரு அற்புதமான காட்சி. அணையின்  மறுகரையில் இறங்கியதும் சிறிது தூர நடைபயணத்திற்கு பிறகு அருவியை அடையலாம்.

கூடுதல் வீடியோ பதிவுகளுக்கு:
Click here for : more papanasam dam video

manimuthar falls, tirunelveli, Tamilnadu, India.

Manimuthar River originates on the eastern slopes of Western Ghats in Tirunelveli District of the state of Tamil Nadu in southern India. Above the Manimuthar dam, pond 90 ft (27 m) deep, 35 km (22 mi) from Tirunelveli.